ярилцав

Нутгынхаа хүнтэйгээ тааралдаж, хэсэг чалчиж тамхилав. Амьдрал-мамьдрал, ажил-мажил. Цаашдын төлөвлөгөө. Мань эр бразилийн өнчин хүүхдүүдийг асарсан хэсэг эмч нартай туршлага солилцож, сэтгэл зүйч багш нарын гаргадаг амжилтын тухай ярилцав. Өнөөх бразилийн өнчин хүүхдүүд нь ихэвчлэн том болсныхоо дараа хар тамхичид, аль эсвэл гэмт хэрэгтэн болдог гэнэ. Тэр хүүхдүүдийг асран хамгаалж, чадварлаг мэргэжилтэнгүүдтэй хамтарч, мэргэжил амжиж эзэмшүүлсэн тохиолдолд 100%-ийн 1-5% амьдралын замаа олдог. Энэ нь том амжилт гэнэ. Өмнө нь 1-ээс бага хувьтай байдаг байсан гэнэ. Үүнийг Монголд аль болгон түргэн нэвтрүүлэх хэрэгтэйг дахин дахин онцолж байхын. 

А. Ажлыг чинь пяалмааргүй байна андаа. Биднийг нутаг буцаад, их юм хийнэ гэж горьдсон хүмүүс дүүрэн байгааг мэдэж байгаа биз дээ. Үнэндээ хийгдэж байгаа ажлыг бодитоор харахаас биш, саалийн үнээ шиг биднийг хардаг биз дээ. Өөрсдөө хараад суух болов уу, хамжилцаж хамт зүтгэх болов уу гэдэг бол том асуудал.

Б. Мэдэхгүй. Хэлэхэд тун хэцүү. Сонин сэтгүүлийн сайтуудаар харагдана даа- тэр гадаад явсан оюутнууд эргэж ирээд хөгжүүл ч гэх шиг сэтгэдэл байн байн таарна.

А. Гэхдээ зүгээр сууж болохгүй биз дээ. Бид нарт хариуцлага гэж бий.

Б: За чи айн гээч. Манай нэг найз Монголд хорт хавдар оношилгооны, эмчилгээний тоног төхөөрөмж бэлдэж, диализын тоног төхөөрөмж өөрийн халааснаас мөнгө гаргаж оруулах гэж байгаа юм. Германы сайн дурын эмч нартай үнэгүйгээр хүмүүсийг эмчлэхээс гадна, эмчилгээний дараах диализ бас үнэгүй хийж, монгол эмч нарынхаа ажлын чанарыг сайжруулах гэж байсан. Манайд чинь диализын мэргэжилтэнгүүд байдаггүй шүү дээ. Байхгүй гэдэг нэг их том проблем биш. Тэднийг бэлтгэж болно. Одоо 3 жил болж байна, хүлээгээд.

А. Юу хүлээдэг билээ?

Б. Хариуг.

А. Юун хариу.

Б. Зөвшөөрөл.

А. Тэр эмч нарыг оруулах зөвшөөрөл үү, тоног төхөөрөмж оруулах зөвшөөрөл үү.

Б. Аль альныг нь. Ерөнхийдөө бүгдийг нь. Эмч нарыг ч оруулахад, тоног төхөөрөмж суулгаж өгөх сайн дурын техникчдэд ч. Тоног төхөөрөмжийг оруулж ирэхэд хүртэл.

А. Бөөр элэгээр манайд хэдэн хүн жилд үхдэг билээ. Удаах тусам хайран хэдэн хүнээ алдсаар л байх болно биз дээ? Тэр их олон хайран хүн! Би ойлгохгүй байна, нэг тодорхой яриад аль даа. Оруулах хүмүүс мөнгө горьдоод суучихсан юм уу?

Б. Тэр оруулна гэсэн тоног төхөөрөмжийг нь сайн дурынхан мөнгө цуглуулж худалдан авсан юм. Манайд ийм тоног төхөөрөмж зөвхөн хятадаас, хамаг тээвэр ачаатайгаа тооцсон ч 3 илүү дахин үнэтэй оруулж ирдэг сурагтай. Мэдээж хувийн эмнэлэгт. Энэ бол нэгт. Хоёрт, эмч нар ирье гэхэд тэднийг 3 жилийн ажлын гэрээтэйгээр л оруулна гээд, эмч нарыг бэлтгэх суурь тавиулахгүй, боогдож байна. Тэр эмч нар бол, жилд 2-3 сараар л орж ирэх чадалтай. Биелүүлж чадахгүй гэрээнд герман хүн гарын үсэг тавьна гэж салаавч, чи өөрөө мэднэ.

А. Мэднэ.

Б. Ийм л байна даа. Уул нь эндхийн эмч нар айхтар нь бүр арай л дэндэчихсэн. Элэг бөөрөөр өнөө маргаашгүй үхэх гэж байгаа хүнд элэг суулгаад, өнөөх нь 2-3 сарын дараа ажлаа хийгээд явж байгаам даа. Хичнээн олон хүн аварч болох байсан гэж бодохоор, бүр дотор харалмаар.

А. Мөнгө горьдоод үхэх гээд байгаа бол, цаад хүндээ мөнгийг нь өгчих л дөө.

Б. Байдагсан бол, өгмөөр байна. Ганц хоёр мянга нэхээгүй, нүдээ ухаад ч хамаагүй өгмөөр байна. 50-ийг нэхэж байгаа юм.

А. Мянга уу?

Б. Мянга.

А. Евро юу?!

Б. Евро.

А. Тэр чинь яасан аймаар мөнгө бэ. Яах уу.

Б. Яахав дээ. Хүлээнэ дээ, сураагүй биш. Яаж ийгээд болгоно доо! Чиний ажил?

А. Өндөр технологи нэвтрүүлэх санаа байна. Хятадын хүнд үйлдвэр тун хурдтай хөгжиж байгаа- үүнийг ашиглах хэрэгтэй, цагтай өрсөлдөж хийж амжих нь тун боломжтой санагдаад. Сэтгэлд багтаад байгаам даа.  Гэхдээ бас л бэрхшээл. Чинийхээс өөр л дөө.  Мэргэжилтэн дутаж байна. Наад захын гагнуурчид, барилгачид, ган төмрийн хольцын хянагчид. Гэхдээ чиний наад хэлснийг чинь санаж явахад илүүдэхгүй юм байна.

Б. Шар хадын техникийн захаар л дүүрэн байдаг биз дээ, гагнуурч-магнуурч?

А. 1мм зузаантай хромжуулсан ган хоолойн гагнаас хийж чаддаг технологи эзэмшсэн байх хэрэгтэй. Хаанаас тэрийгээ олохыг мэдэхгүй байна. Баахан сэхээтэн мөөг шиг ургаад л байдаг. Гагнуурчин байхгүй. (инээв)

Б. Бодоод л байж дээ! (инээв) Зүгээр, юманд тэвчээр хэрэгтэй.

А. Чухам чухам.

(Үргэлжлэл байгаа л байх)

сирийн тухай

Саяхан гэхэд л Египтчүүд мэдрэлтэж, улс орноо эмх замбраагүй байдалд оруулан,  гайхамшигтай сайхан гахайн хороо болгож орхисон. Улмаар жагссан донгиочуудын амьдрал гэнэт сайжрахын оронд, швейцарууд л хожсон. Шинэ юм биш. Eгиптчүүд өөрийн алдаан дээрээ сурах чадваргүйгээ харуулж, тэнэгээ дэлхий ертөнцөд гайхуулдаг. Үүний зэрэгцээ, альпын иргэд Тунис, Ливи мэтийн улсуудын хөрөнгөнөөс бага багаар тоншссон гайхамшигтай жишээнүүд бий.

Гэвч энэ удаад Сири улсын ерөнхийлэгч бага зэрэг хохиров. Түүний хөлсөө урсган байж угаасан 27 сая швейцар франк хураагдаж гэнэ. Тун хөөрхөн.
Энд

жорлонгийн тухай

Түрүүхэн нарийн технологийн судалгааны төвд орж үзлээ. Мэдээж хэрэг, судалгааны төв нь манайхны судалгааны төвүүдээс тэс өөр. Жорлонгоос нь эхсүүлэн бүх юм нь цэвэрхэн, эмх цэгц, энд тэнд хэрэглэсэн 00-ийн цаас салхинд хийсч, хоосон архины лонх, тамхины иш хэвтэхгүй. Муулж байгаа юм биш шүү,зөвөөр ойлгоорой!

Жорлонгынх нь тухай бичдэг маань бас учиртай. Жорлон ба цагдаагаар тухайн нийгмийн сэтгэхүйн ба ухамсрын төвшинг ажиглаж болдог. Иргэн хүн жорлондоо ажил хэргээ дуусгасны дараа, ямар байдалтай тэр жорлонгоо үлдээдэг бэ гэдгээс асар их юм харагддаг. Зарим нь бохирынхоо тормозны мөр үлдээх бүү хэл, наад захын усаа таталгүй, гадуур нь буудах тохиолдол ч бий. Улмаар жорлонд 2-р дэлхийн дайн болоод өнгөрсөн мэт харагддаг.

Уг судалгааны төвийн жорлон нь, зүгээр нэг жорлон биш. Иргэдэд ч ая тухтай бааж шээлгэхэд биш, бас цэвэрлэгч нь жорлонг цэвэрлэхэд эвтэйгээр байрлуулсан байх нь харагдаж байх юм. Зөвхөн цэвэрлэгчийн ажлыг хөнгөвчлөхийн тулд биш. Ирээдүйд заавал хийх шаардлагтай засварын барилгачны, цахилгаанчны, сантехникчдийн хөдөлмөрийг үнэлж, хүндэтгэсэндээ тэр. Улмаар жорлонгийн зохион бүтээгчээс эхсүүлэн, архитектор нь иргэдийнхээ хэрэгцээг мөн л харгалзан хүндэтгэсний жишээг харж болно. Байшин барилгын төлөвлөгч нь барилгаа хүлээн авахдаа, естой л эзэн хүн шиг хар зурган дээр хуруугаараа энд тэнд зааж, хүмүүсийн ясыг цайлгаж байсан байна. Xасахыг хасаж, нэмэхийг нэмж байсан нь харагдаад байгаа юм. Зүгээр л цэвэрлэгч, цахилгаанч сантехникчдийн хөдөлмөрийг үнэлж, ая тухыг нь бодсондоо биш. Зочилсон бүх хүн ая тухтай байгаасай гэж.

Зөвхөн жорлонгийн тухай өгүүлээгүйг уншигч ойлгоосой. Зориудаар хамгийн их хүн ирдэг цагт хүлээлтийн танхимд хүлээхэд, зохион байгуулалтын өндөр бэлтгэлд өөрийн эрхгүй гайхав. Хүмүүсийг удаан хүлээлгэхгүй гэж, жижүүрүүдэд хүрэлцээтэй зай. Холбосон тэнхим, заалуудыг хооронд нь холбосон байдал. Төөрч будилалгүйгээр, хэрэгтэй өрөөгөө олох коридор, агааржуулалтын систем. Ирээдүйд зочлох хүн бүрт амар. Ийнхүү ирээдүйн хүнээ хүндэтгэж, сайныг хүсэж барьж төлөвлөсөн нь ил байх юм. Өөрийнхөө амьдралын эцэст иймэрхүү ажлын саяны нэгийг үлдээж үхвэл, харамсах юмгүй үхэх шинжтэй.

хариx зам уск

Хэд хоногийн өмнө, хятадын уран сайхны Хариx зам нэртэй кану сонжив. Уг кануг Баатар бүтээлээрээ олны танил болсон Жан Имоу гэгч алдартай хятадын иргэн найруулсан юм. Баатар кану бол давгүй, ерөнхийдөө таалагдсан. Энэ удаад ч мөн адил, Имоу хөөрхөн зүйл зуурсан аж. Нэг киног сайн бүтээж чадсан найруулагч, дараагийн бүтээл дээрээ бүдэрч, тэнэг юм зууралдуулах тохиолдол маш их гардаг. Хуруу дарам найруулагчид киногоо үзэгчдэд хүртээмжтэй, ойлгомжтой бүтээдэг.

Энэ учраас анхандаа тун итгэл муутай байв, энэ хүн одоо юу л харуулах бол доо гэж. Учир нь шинээр гардаг хэдэн хятад кану таалагдах бүү хэл, ихэвчлэн бөөлжис хүргэдэг. Нэг бол хэтэрхий улс төржсөн, нэг бол хэтэрхий уйлагнасан, нэг бол дэндүү нялуун болоод явчдаг. Жишээ нь Ван Кор Вай байна. Хайран авьяас!

Гэвч иргэн Имоу энэ удаад xятадын гайхамшигтай том армиуд, гайхамшигтай нисдэг хүмүүс, гайхамшигтай зэвсгийн урлагийг харуулсангүй. Намынх нь заасан шугамаар биш, аль болгон энгийн хүмүүсийг харуулсан нь тун сайн санаа санагдав. Иймэрхүү маягаар, энгийн амьдралыг харуулдаг кино тун ховор. Амьдралын харгис үнэн, аль эсвэл амьдралын давааг давах явцад өөрчлөгдөх сэтгэл зүйн дүр зураг харуулах бүү хэл, бүрэн мартагддаг.

Энэ удаад хүнд бэрх давааг эмэгтэй эрэгтэй хоёр хэрхэн давж, хэрхэн нэг нэгнээ хайрлах сэтгэлээ цэвэр авч явсны тухай өгүүлсэн байх юм. Тэгээд мэдээж хэрэг, тэдний хайр сэтгэлийг унтраах гэсэн харын хүч. Гэвч юманд дэс дараа гэж бий.

Нэгэн энгийн хятадын тосгон байх юм гэнэ. Тэр тосгонд нэгэн хөгшин сургуулийн багш өнгөрч, хүү нь хотоос аавыгаа нутаглуулахаар иржээ. Гэвч зүгээр нэг нутаглуулж болохгүй. Хуучны хятад заншлаар тосгоныхоо хүнээ нутаглуулахдаа, тосгоны бүх хүн оролцдог бөгөөд, гэрт нь хүргэх ёстой юм гэнэ. Хүү хотынх юм болохоор, соёлтой загинахыг хичээтэл, ээж нь талийгаачийн сүнсийг гомдоохгүй гэж хүүгээ ятгана.

Тэр хооронд хүү нь аав ээжийнхээ хэрхэн танилцсан түүхийг үзэгчдэд ярьна. Тэр түүх нь хөөрхөн боловч энгийн, илүү дутуу нулимсгүй, нялууралгүй харуулсан нь тун авууштай санагдав. Залуухан багш нэгэн тосгонд ирж, хүүхдүүдэд эрдэм ном зааж эхэлнэ. Түүнийг харсан залуухан охин түүнд сэтгэл алдаж, бөөн юм болно. Бичиг үсэг тайлагдаагүй охин, залуухан багш хоёрын хооронд үүссэн тэр цэвэр мэдрэмжийн энгийн нэг түүх. Бараг л улс түмэн болгоны соёлын санд байдаг үлгэр.

Энэ удаад бол энгийн амьдрал дээр үлгэрчилсэн нь, авууштай гэж дахин хэлэхэд илүүдэхгүй. Кино нь бол үүний л тухай. Амьдралд хүнд бэрх даваа таардаг тухай. Бас хүн бүр тэр давааг дийлдэггүйн тухай. Гэвч чадсан нь үргэлж хождог тухай. Бас эр хүний чансаа хэлсэн ярьсан ганган сайхан үгээр нь биш, тарьсан үр ба үйлээр нь танигддаг тухай. Бас амьдрал бол хар цагаан биш, өнгөлөг шүү гэдэг тухай. Тэр бүгд эр хүнийг өнгөрсний дараа, гэртээ харих замд нь танигддаг.

наадмын тухай

Наадмын өдрүүдэд нийслэлд нийт 447 хүн, хөдөө орон нутагт 129 хүн эрүүлжүүлэхийн хаалга татжээ. Үүнийгээ дагаад архи хэтрүүлэн хэрэглэсэн зарим иргэн бусдын эрх чөлөөнд халдаж танхайрсан хэрэг цөөнгүй гарсан байна. Тухайлбал, “Баянгол дүүргийн дөрөвдүгээр хороонд хүмүүс зодолдоод байна” гэх мэдээллийг долдугаар сарын 13-ны 12:10 цагт авч шалгахад, Чингэлтэй дүүргийн 12 дугаар хорооны иргэн 59 настай эрэгтэй Д-г Баянгол дүүргийн дөрөвдүгээр хорооны иргэн 62 настай эрэгтэй Л гэгч согтуурсан үедээ маргалдан зодож гэмтээсэн байжээ.

Мөн Баянгол дүүргийн 23 дугаар хороонд “зодоон болоод байна” гэсэн мэдээллийн дагуу цагдаагийн алба хаагчид очиж шалгахад, тус хорооны иргэн 55 настай эрэгтэй Т, 28 настай эрэгтэй М нарыг хүргэн нь болох 30 настай Ж нь архи хэтрүүлэн хэрэглэж, согтуурсан үедээ чулуугаар цохиж гэмтээсэн,

Чингэлтэй дүүргийн 14 дүгээр хорооны иргэн 20 настай эрэгтэй Б-г мөн хорооны иргэн, эрхэлсэн тодорхой ажилгүй 23 настай Н гэгч архи хэтрүүлэн хэрэглэсэн үедээ бусадтай бүлэглэн толгойн тус газарт нь чулуугаар цохиж гэмтээснийг тус тус тогтоон, харьяа дүүргийн Цагдаагийн хэлтэст үргэлжлүүлэн шалгахаар болсон байна.

Наадам ч сайхан, цоглог болж өнгөрчээ.

гранатаар тоглох сармагчны тухай

Эртээ урьдын цагт, хуучин зөвлөлтийн (одооны Украйн) Краматор хотын нэгэн оршин суугч төрөөсөө орон сууц хүртэж гэнэ. Шинэхэн байранд орсон гэр бүл мэдээж бөөн баяр. Гэвч тэмдэглээд удаагүй байтал, гэнэт 18 настай охин нь өнгөрч гэнэ. Тун удалгүй дүү нь, хүүхдийн ээж хоёр нь бас өнгөрч гэнэ. Үхлийн онош: цус багадалт. Эмчид гэр бүлийн эцгийг ийм юм байх гэж тайтгаруулан гэрт нь явуулж гэнэ.

Орон сууц суларч, өөр нэгэн гэр бүл орон сууцанд нь нүүж иржээ. Шинэхэн нүүж ирсэн гэр бүлийн хүү нь мөн адил өнгөрч гэнэ. Үхлийн онош мөн адил цус багадалт. Үүнээс болж, орон сууцанд амьдарч байсан хуучин гэр бүлийн эцэг шуугиан дэгдээж шалгуултал, хүүхдийн өрөөнд ойролцоогоор цагт 200 рентгены цацраг ялгаруулах фон илэрсэн гэдэг. Ханыг зүсэн авч, нэгжин шалгавал 8×4мм харьцаатай ампул олдож гэнэ.

Нийтдээ 4 хүүхэд, 2 насанд хүрэгч өнгөрч, хөрш айлын 17 хүн тахир дутуу болсон гэдэг.

Одоо сэдэвтээ орье.
Монголд цацраг идэвхт хаягдал орж ирж, бөөн "бизнес" болж, дарга нар баяжлаа гэж бодье. 
За одоо таагаарай андаа- ийм гайхалтай авьяаслаг эмч нартай, хордсон чиний гэр бүл хэр удаан амьдрах бэ. Xэдэн хүн үрэгдсэний дараа шалтгаан тогтоогдох бэ? Яагаад япончууд чацага алдан байж, харамгүй мөнгө цацаж хогноосоо салахыг хүснэ үү.

хөл бөмбөгийн тухай

Хятадын тэрбүмтан Ван Жианлин (Wang Jianlin), хөл бөмбөгийн Челси клубын эзэмшигч оросын олигарх Роман Абрамовичтай харьцуулсныг доромжлол хэмээн үзжээ. Учир нь: "Абрамович бол эх орныхоо нөөцийг монополчилсон хором зуурын баян. Оросын тэрбүмтантай харьцуулсанд ой гутаж байна. Би бол зах зээлийн харгис өрсөлдөөн дунд тэмцэж байж өөрийн бизнесээ бий болгож, хөл дээр нь босгосон хүн. Хэрэв Абрамович өөрийн хөл бөмбөгийн клубээ баян тансаг амьдралынхаа зугаа цэнгэл гэж үздэг бол, би үнэхээр эх орныхоо спортын байгаа байдал, мөн xөгжилд нь санаа тавьсандаа хөрөнгө оруулж байгаа юм" гэжээ.
Энд

Гэхдээ хятадууд юугээ мэдэх бэ, тийм ээ. Атаархаж байхгүй юу.

хоббитын тухай зарим эргэцүүлэл

http://www.youtube-nocookie.com/v/NO9lTlww7UU?version=3&hl=de_DE

Ийм нэг клип тааралддаг юм байна. Үзэхэд түмэн бодол төрөв. Питер Жексон бол тун ажилсаг, зүгээр сууж болдоггүйг бүрэн ухамсарласан нөхөр. Аргаггүй биз, шуудай дүүрэн оскар зүгээр нэг зам дээр хэвтэхгүй. Өтсөн бөгстэй, зөв чиглэлд ажилладаг толгойтой байж л майр кино хийнэ.

Бас тэр хүн ганцаараа хамаг ажлыг хийхгүй нь ойлгомжтой: жүжигчдээс гадна, үсчин, хувцас, гэрэлтүүлэгч, чанар шалгагч, зураач, дархад гэх мэт үс арзаймаар олон мэргэжилтэнгүүд хэрэгтэй. Тэр олон хүмүүсийг нэг чигт залж удирдана гэдэг, удирдагчийн авьяас. Бас хэрэгтэй хүнээ хэрэгтэй газар нь байлгана гэдэг бас менежерийн авьяас. Яг юу хийх гэж байгаагаа түрүүлж төлөвлөн, харна гэдэг холын ухаан.

Яг юу ярьж байгааг нь чих тавин чагнаарай андаа. Тэд эх орноо суртачилна гэсэн өмнөө тодорхой зорилго тавьжээ, тийм үү. Тэр зорилгодоо хүрэхийн тулд гамбир болж байна. Бидний нутаг уудам сайхан гэдгээ цээж дэлдэн хашигарах биш, үйлээр харуулж байна. Бид хэзээ нэгэн цагт, өөрсдийн Питер Жексонтой боллоо гэж төсөөлье. Тэр зураг авах боломжтой байршилал хайлаа гэж бодье. Юу олох бол? Цөмийн хаягдалд хордсон газар, ухаж сэндийлгэсэн хөрс үү, аль эсвэл онгон байгаль уу? Бид нараас л шалтгаална.

Сайхан наадарай!

шинэ ангилаллын тухай

Шинэ англилал хийх нь зүйтэй болж таарав. Хэд хоногийн өмнө зочин Сүрэн блогоор маань айлчилж, япончуудын сэтгэхүйн тухай сэдэвт хувь нэмэрээ оруулсан юм. Юм бодогдуулахаар сэтгэгдэл үлдээж, нэмэлт мэдээллээр толгойг маань зүйван хавтгай г.м. янз янзын хэлбэрт оруулж, мөн мэдлэгээ харамгүй хуваалцсанд ихээр урамшив. Сүрэнгийн блогоор хариулан зочлоход, япончуудын сэтгэхүйн онцлого ялгаа мэтээс эхсүүлэн, бонусд нь тасархай орчуулга хавсаргасан байх жишээтэй.

Энд

цөмийн тухай

Цөмийн хог хаягдлыг мэргэжилтнүүд өндөр агууламжтай, саармаг хучилттай, бага идэвхжилтэй гэж гурван үе шатаар ангилдаг аж. Судалгааны явцад 50 жил ашигласан цөмийн ректорын агуулах бодисын хэмжээ, түүнээс гарсан хорт бодис байгаль орчинд хэрхэн нөлөөлж буйг нарийн тодорхойлсон байна. Нэрийг нь нууцалсан улсын цөмийн ректорийн хөрсний гүнд 200 метр ба түүнээс доор булсан хорт хаягдал хөрсний давхаргыг хурдацтай сүйтгэж байгааг тогтоожээ.
Тодруулбал, дутуу боловсруулсан шингэн төмөрлөгийн 500 литрийг нэг километрийн сектор тутамд булсан байгаа юм. Үүнээс үүдэж газрын шим тэжээл бохирдож, хөрсний судлууд гэмтэж сүйдсэнээр биологийн тэнцвэрт байдлаа алдаж эхэлсэн байна. Дээр дурьдсан гурван үе шатын хамгийн бага идэвхжил нь байгальд ийнхүү нөлөөлсөн гэнэ.

Энд